ۋرۋگۆاي قۇراماسى پەنالتي سەرياسىنان بۇكىل افريكا جۇرتىنىڭ ءۇمىتى گانا قۇراماسىن ۇتىپ، الەمدىك فوتبول لوڭقاسىنا تالاسۋ جارسىنىڭ جارتىلاي شەشۋشى جارسىنا شىقتى .

     گياننىڭ كوز جاسى كول بولدى گانا قۇراماسى جەڭىسكە لايىق ەدى . مۋنتاري، گيان باستاعان «قارا جۇلدىزداردىڭ» اياق الىسىنا سۇيسىندىك . اسىرەسە افريكالىقتاردىڭ بويىنداعى جىگەرلىلىك پەن نامىس وتىنىڭ جالىنى الەم جانكۇيەرلەرىنىڭ جۇرەگىن جىلىتتى . امال نە، گانا افريكا تاريحىنا تۇزەتۋ ەنگىزە المادى (قارا قۇرلىق ەلدەرى اچ  جارتىلاي شەشۋشى جارسىقا شىعىپ كورگەن جوق) . دەگەنمەن، گانانىڭ ۇزدىك سەگىزدىككە ەنۋىنىڭ ءوزى زور تابىس .

 30 جىلدان سوڭ

   ۋرۋگۆاي قۇراماسى 30 جىل وتكەن سوڭ جارتىلاي شەشۋشى جارسىقا اياق باستى . الەمنىڭ 16 قۇراماسى ەندى  الەمدىك فوتبول لوڭقاسىنا تالاسۋ جارسىنىڭ  ۇزدىك تورتتىگىندە . وسكار تابارەس شاكىرتتەرى جاڭا جەڭىستەردىڭ پاراقتارىن اشتى .  قوس قۇراما بۇرىن سوڭدى جاسىل الاڭدا ايقاسىپ كورمەپتى . سوندىقتان تاريحي كەزدەسۋدىڭ ەكى مىقتى ءۇشىندە ماڭىزى زور ەدى . العاشقى ايقاس ۋرۋگۆايدىڭ پايداسىندا . ەندى تابارەس شاكىرتتەرى برازيليانى توقتاتقان گوللانديامەن كۇش سىناسادى .