الەمدىك سىنعا تاۋ قوپارۋ ءۇشىن كەلگەن برازيليانىڭ «جالىنىنا» سۋ سەبىلدى . گوللانديا ەرلەدى بۇگىن . قىزعالداقتى ەلدىڭ مىقتىلارىنىڭ ويىنىن اسەم ۇيلەستى دەپ ايتا الماسپىز . ءبىراق ءبارى-ءبىر جەڭىس گوللانديادا . برازيليا ءبىرىنشى ەسەپ اشقاندا پەنتاكامپەوندارعا جەڭىستى ۇستاتىپ قويعانبىز . ءبىراق روببەن مەن سنەيدەر باستاعان مىقتىلاردان ەرەكشە «سىي» كۇتپەدىك . نە كەرەك، برازيليا ەكىنشى رەت الەمدىك فوتبول لوڭقاسىنا تالاسۋدىڭ جارتىلاي شەشۋشى جارسىنان تىس قالدى .

الەمدىك فوتبول لوڭقاسىنا تالاسۋدىڭ «ەڭ ءدامدى» شاعى باستالدى . ءار كەزدەسۋدە مىناۋ مىقتى، مىنا قۇراما جەڭىلەدى دەپ ايتۋ قيىن . بار كوماندانىڭ دەڭگەيى ءبىر دەپ بىلىڭىز . بۇگىنگى كەزدەسۋدە الەم جۇرتى دۋنگا كومانداسىنىڭ جەڭىسىنە سەنگەن . ال بارلىعى كەرىسىنشە اياقتالدى . دەمەك گانا فينالعا شىعىپ، ارگەنتينا مەن ۋرۋگۆاي ھام گەرمانيا فينالعا جەتپەي نەمەسە فينالعا دەيىن سۇرىنىپ جاتسا تاڭ قالماڭىز . ال التىن تاج ءۇشىن كەلگەن سپانيا قولانى قاناعات تۇتسا دا زاڭدىلىق دەپ قابىلداڭىز .