ۇستەگى جىلى ناۋرىزدىڭ 8-كۇنى استانامىز بىيجيڭ قالاسى ۇلتتار باسپاسى جيىن زالىندا ءداستۇرلىك مەرەكەمىز ۇلىستىڭ ۇلى كۇنى ناۋرىز مەرەكەسىن قارسى الۋ مەرەي تويى ءوز مارەسىمەن بولىپ ءوتتى. مەرەي تويعا مەملەكەتتىك ەكى قۇرىلتايعا قاتىناسىپ جاتقان  اسىعات كەرىمباي ۇلى، دالەلقان ءماميقان ۇلى، ماۋكەن سەيتقامزا ۇلى، جارەكە بەكەش ۇلى قاتارلى قازاق ۋاكىلدەرى، قازاقستان رەسپۋبليكاسىنىڭ جۇڭگودا تۇراتىن  ەلشىلىگىندەگى قوناقتار، بىيجيڭدەگى ۇلتتار باسپاسى، ورتالىق حالىق راديو ستانسياسى ، ورتالىق ۇلتتار ۆينۋەرستيتەتى، ورتالىق ۇلتتار اۋدارما مەكەمەسى قاتارلى مەكەمەلەردەگى باسشىلارمەن قىزمەتكەرلەر سونداي-اق بىيجيڭدەگى ءار سالادا قىزمەت اتقارىپ جاتقان زيالى قاۋىم قاتىناستى.  مەرەي تويدى جۇڭگو جازۋشىلار قوعامنىڭ مۇشەسى، تانىمالى جازۋشى اكپار ءماجيت ۇلى باسقاردى. اسىعات كەرىمباي ۇلى ناۋرىز مەرەكەسىن قارسى الۋ، 8-ناۋرىز حالىققارالىق ايەلدەر مەرەكەسىن  قۇتتىقتاۋ  ءسوزىن سويلەدى، دالەلقان ءماميقان ۇلى ناۋرىز تويعا ىقلاستى باتاسىن بەردى. اقىن، كومپوزيتور بالاپان راباتوۆ قاتارلى ونەر يەلەرى ونەر كورسەتتى. ورتالىق ۇلتتار ۆينۋەرستيتەتى، ورتالىق كوركەمۋنەر ۆينۋەرستيتەتىنىڭ ونەرپاز ستۋدەنىتتەرى بۇرالا بيگە، كۇمبىرلى كۇيگە، تامىلجىتا انگە باسىپ، شاتتىق دۋمانعا بولەدى.