شەجىرەنىڭ ينتەرنەتتىك جوباسىنا تۇسىنىك
1. جۇڭحۋا وركەنيەتى دۇنيە جۇزىندەگى بىرنەشە ءىرى بايىرعى وركەنيەتتىڭ قازىرگە دەيىن ۇزىلمەي كەلە جاتقان بىردەن ـ ءبىر وركەنيەت. كەيىنگى ۇرپاققا شەجىرە جازىپ قالتىرۋ جۇڭحۋا وركەنيەتىن جالعاستىرۋ ءارى جۇڭحۋا ۇلتىنىڭ ءداستۇرلى سالتى. وتباسى شەجىرەسى اتا-باباسىنىڭ تەگى جانە قاينارى، ۇرپاقتىڭ ءوسىپ-ءوربۋى، جان سانىنىڭ وزگەرۋى سياقتى كوپتەگەن مازمۇنداردى قامتىعان اۋلەتتىڭ دامۋ تاريحي قۇجاتى. ءبىر اۋلەت وتباسى شەجىرەسى كەمشىل بولسا بولمايدى. سەبەبى ءاربىر وتباسىنىڭ ءوزارا ءتۇسىنىسۋى مەن قارىم - قاتىناستى كۇشەيتۋگە، وتباسى اراسىنداعى ءوزارا كومەكتەسۋدى جەبەۋگە پايدالى، اۋلەتتىڭ تاريحى مەن جالپى جاعدايىن ءبىلۋ، ۇقساس ءبىر اۋلەتتەگى وتباسى اراسىنداعى قانداستىقتىڭ جاقىن ەكەنىن ءبىلۋ ءۇشىن وتە ماڭىزدى.
ينتەرنەت-قۇدىرەتتى قۇرال ، ءداستۇرلى كاسىپ سالاسىنا ءتۇرلى وزگەرىستەر الا كەلدى. مۇنداي وزگەرىس ءداۋىردىڭ دامۋ زاڭدىلىعىنا زامانىمىزداعى ادامداردىڭ تۇرمىس كۇيىنە ءوز ۇيلەسىمىن تاپتى. وتباسى شەجىرەسى اۋلەت تاريحى مەن مادەنيەتىنىڭ جيىنتىعى. ءداۋىردىڭ العا باسۋىنا ساي، قازىر يىنتەرنەت داۋىرىنە قادام تاستاۋىمىزعا وراي دامۋعا تىعىز ىلەسۋ ءۇشىن، وتباسى شەجىرەسىنىڭ شاعىن ەلەكتروندى نۇسقاسى بارلىققا كەلدى. ءبىز وسىلايشا كۇركەشەدەن كۇللى الەمگە كوزتاستاي الاتىن مۇمكىندىككە يە بولعان بۇگىنگى تاڭدا، اۋلەت ۇرپاقتارىنىڭ كەز كەلگەن ۋاقىتتا، كەز كەلگەن جەردە قول تەلەفون، كومپيۋتەر ارقىلى كورۋگە قولايلى بولىپ كەيىنگى ۇرپاقتارمىزدىڭ اتا-تەگىن ءبىلۋ ءۇشىن كەيىنگىلەرگە قالدىرعان تاڭداۋلى وقۋلىق. بۇل جەردە ءبىز جازبا شەجىرەنى بۇكىلدەي جوققا شىعارماقشى ەمەسپىز. ارينە ءداستۇرلى جازبا شەجىرە ەلەكتروندى شەجىرەنىڭ نەگىزى. ەرتەدەگى اتا-بابامىز تاسقا قاشاپ، ويعا ساقتاپ شەجىرەنى بۇگىنگى ۇرپاققا جەتىكىزدى. جازبا شەجىرە 10-50 جىل ارالىعىندا ءبىر رەت جاڭالانادى. مەرزىمدى قىسقا ۋاقىت ىشىندە جاڭالانۋعا قوماقتى قارجى ۇلكەن كۇش سارىپ ەتىلەدى. ەلەكتروندىق شەجىرەگە قىرۋار ادام كۇشىن، قازىنا كۇشىن قايتالاي جۇمساۋدىڭ قاجەتى جوق، ونىڭ ۇستىنە شەجىرەنى جوندەۋدىڭ كۇردەلى بارىسىن ازايتۋعا بولادى. تاعى دا قىرۋار كونە شەجىرەنى قايتا جوندەۋ جانە كوشىرىپ الۋ شىعىسىن ۇنەمدەپ، كوشىرىپ جازۋدان،باسپادان تۋىلعان قاتەلىكتى ازايتىپ، بۇرىنعى كونە شەجىرەنى رەداكسيالاۋ، تەكسەرۋ بارىسىن ازايتۋعا بولادى.
وتباسى شەجىرەسىن قۇراستىرۋدىڭ قۇن ءمانى توتەنشە ماڭىزدى دەۋگە بولادى، وتباسى شەجىرەسىن جالعاستى جوندەۋدە، وتباسى شەجىرەسىن قۇراستىرۋدىڭ ءوزى جالعاستى وزگەرىس ەنگىزۋ بولىپ تابىلادى، ويتكەنى ۋاقىتتىڭ وتۋىمەن اۋلەت ىشىندە جاڭا تۋىلعان بالا قاتارلى مازمۇنداردىڭ ءبارى دە وتباسى شەجىرەسىنە جازىلادى، سوندىقتان ەلەكتروندى شەجىرە مەرزىم بويىنشا جالعاستى رەتتەلىپ جاڭالانىپ وتىرۋعا ايرىقشا قولايلى. شەجىرە جيناۋدىڭ نەگىزگى كۇشى قارتتار.ءبىراق، ۋاقىتتىڭ وتۋىمەن اعا بۋىن شەجىرەشىلەر بىزدەن بىرتىندەپ الىستاپ كەتكەنى بارشامىزعا بەلگىلى. ال جاستار وتباسى شەجىرەسىن دەرلىكتەي تولىق تۇسىنە المايتىندىعى سەبەپتى، بۇگىنگى كۇنى بۇل قىزمەتكە دارمەنسىزدىك تانىتىپ وتىر. سوندىقتان نەشە ون جىلدان كەيىن دە اۋلەتتىڭ مۇراگەرلىك داعدارىسىن تۋدىرۋى مۇمكىن. ماقساتىمىز وسى الدىڭعى لەك اعا بۋىن ۇرپاقتاردىڭ جيناپ جازىپ قالتىرعان ءداستۇرلى جازبا شەجىرەنى بۇگىنگى وسىزامان ۇرپاقتارىنىڭ قولدانۋىنا قولايلىق تۋدىرۋ ءارى ارا قاتىناسىن جاقىنداتۋ. قىسقاشا ايتقاندا، وتباسى شەجىرەسى ءبىر اۋلەتتىڭ تاريحىن ەستەلىككە الاتىن كىتاپ بولىپ تابىلادى.
2. جوبا جازبا شەجىرەنىڭ قاتىستى باسىلىمداردان باسىلىپ شىققان ءتۇپ نۇسقاسى بويىنشا شىعارىلدى، تاياۋ جىلدان بەرى دۇنيەگە كەلگەن ۇرپاقتاردى قوسۋعا بولادى. ءبىراق، جوبانىڭ پرينسيبى بويىنشا باسىلىپ شىققان كىتاپ مازمۇنىن جازبا شەجىرەنى قۇراستىرۋ، باسپادان شىعارۋ القاسىنىڭ ماقۇلداۋىنسىز وزگەرتۋگە بولمايدى.جوبا ىشكى ماتەريال بولىپ قاتىسسىز ادامدارعا الباتى تاراتۋعا بولمايدى.جوبا سىناق ۇسىتىندە بولىپ كەمەلدەندىرۋ ، شەجىرەگە ەنگىزۋ ساتىسندا ...
تومەندەگى ەكىلىك سۋرەتتى تەلەفونىڭىزعا ساقتاپ الىڭىز!
شەجىرەگە قولداۋ كورسەتۋ
شەجىرە ۇنحات تەكشەسىنە قوسىلىڭىز
شەجىرە باسقارۋشىسىنىڭ ۇنحات ءنومىرى
شەجىرەنىڭ ينتەرنەتتەگى نۇسقاسىن زەرتتەۋ،جوبالاۋ گرۋپپاسى