العاش «قيماي سەنى بارامىن» انىمەن تانىمال بولعان يەسترادا جۇلدىزى مەرۋەرت – وتباسىنداعى ءتورت قىزدىڭ ەڭ ۇلكەنى . «گۇل» بوپ باس­تالاتىن ءۇش سىڭلىسىنەن اتى دا وزگەشە .
مەرۋەرت تۋىلعاندا  وتە­كە­شوۆا «قىز جىبەك» فيلمىنە ءتۇسىپ، ەسىمى ەلگە تاراعان كەز ەكەن . اتىمدى سول كىسىدەي سۇلۋ دا ونەرلى بولسىن دەپ قويعان . ازان شاقىرار كەزدە پەرىشتەلەر «اۋمين» دەپ قويعان بولۋى كەرەك، مەرۋەرت اپامىزداي قازاق حالقىنىڭ جارىق جۇلدىزى بولماسا دەگەن ىرممەن وسى ات قويىلعان ەكەن .
 كەيىن مەرۋەرت ارمان قۋىپ  الماتىعا  كەلەدى مەكتەپتى بىتىرگەن سوڭ، اكە­سى­نىڭ قارسىلىعىنا قارا­ماستان، قو­لىنا شابادانىن ۇستاپ بۇ­رىن-سوڭدى اياق باسپاعان الما­تىعا  كەلگەن قىزدىڭ كەلەشەگى ﺀدال وسىنداي  ءساتتى بولار دەپ سىرا، ەشكىم ويلاماعان . ومىر­دەن وزعان دانيار ساپار ­ۇلىنىڭ قولىمەن  تۇسىرىلگەن العاشقى بەينەكليپتەن سوڭ-اق «مەرۋەرت ءتۇسىپبايەۆا» دەگەن ەسىم ەل ارا­سىن­دا جيى ايتىلا باستادى . سول كەز­دەن باستاپ وسى كۇنگە دەيىن مە­ر­ۋەرت ونەر جولىندا ايانباي تەر  تو­گىپ كەلەدى . ءانشىنىڭ ءوزى دە: «مەن ءۇشىن ەڭ باستىسى – العا قويعان ماقساتقا جەتۋ . ادام ەشقاشان كە­دەرگىدەن مويىماۋى كەرەك» دەيدى . 
كوپشىلىك ونەردەگى مەرۋەرتتىڭ قانداي ەكەنىن بىلسە دە،  ومىر­دەگى مىنەزىن، شىنايى ارمانىن بىلمەۋى مۇمكىن . ءوزى سولتۇستىك جاقتان بولا تۇرىپ، وڭتۇستىكتىڭ قو­ناقجايلىلىعى مەن اق كوڭىلدىگىنە باس يەتىن ءانشىنىڭ ءوز مىنە­زىنە وكپەسى جوق . تىك مىنەزدى بولعانىنا قارا­ماس­تان، وتە قارا­پايىم، شىنايلىقتى سۇيەتىنى كورىنىپ تۇرادى .– بارلىعى دا ءبىر قۇدايدىڭ قولىندا . جاراتقاننىڭ ماڭ­داي­عا جازعانى بولار، قازىرگى كۇنى مەن قاققان ەسىكتىڭ اشىلماعان كەزى جوق . قايدا بارسام دا، ايىم وڭى­نان تۋىپ تۇرادى . بىرەۋلەر مەنى قازاق يەستراداسىنداعى ەڭ ادەمى ءانشى دەسە، ەكىنشىلەرى باس سالىپ بەتىمنەن سۇيىپ جاتادى . وسىنىڭ بارلىعى اللانىڭ قولداۋى مەن حالىقتىڭ ماعان دەگەن ريزا­شى­لىعى شىعار . ءىنىم ءبىرجاننىڭ ومىردەن ەرتە كەتكەنى بولماسا، وتكەنگە وكىنگەن كەزىم بولعان ەمەس، – دەپ ءبىر قايىردى . 
يا، الماتىعا ارمان قۋىپ كەلگەن ءبىر كەزدەگى بويجەتكەن قا­زىر ەسىمى ەلگە تانىمال ءانشى عانا ەمەس، ءبىر بالانىڭ سۇيىكتى اناسى .